Hasta La Victoria Siempre!

Nasser & Guevara

both dead...

their ideas & hopes are still alive...

"The revolution is not an apple that falls when it is ripe. You have to make it fall."Guevara

الخائفون لا يصنعون الحرية و المترددون لن تقوى ايديهم المرتعشة على البناء"جمال عبد التاصر"

صرخة جيفارا
جيفارا مات..... جيفارا مات .....اخر خبر فى الراديوهات.......وفى الكنايس.......والجوامع وفى الحواري........والشوارع......وع القهاوي وع البارات ..... جيفارا مات واتمد حبل الدردشه......والتعليقاتمات المناضل المثال ياميت خسارة على الرجال مات الجدع فوق مدفعة جوه الغابات جسد نضالة بمصرعه......ومن سكات .. لا طبالين يفرقعوا.....ولا اعلانات ما رايكم دام عزكم ياانتيكات يا غرقانين فى المأكولات...والملبوسات يا دافيانين......ومولعين الدفايات يا محفلطين يا ملمعين.....يا جيمسنات يا بتوع نضال اخر زمن فى العوامات...ما رايكم دام عزكم جيفارا مات لاطنطنة...ولا شنشنه ولا اعلامات واستعلامات عينى عليه ساعه القضا ** من غير رفاقه تودعه يطلع انينه للفضا يزعق...ولا مين يسمعه.. يمكن صرخ من الالم من لسعه النار ف الحشا يمكن ضحك...او ابتسم او ارتعش....او انتشى يمكن لفظ اخر نفس كلمه وادع....لجل الجياع يمكن وصيه...للى حاضنين القضيهفى الصراع....صور كتير ملو الخيال....والف مليون احتمال لكن اكيد....اكيد اكيد ولاجدال...جيفارا مات موتة رجال ياشغالين ومحرومين يا مسلسلين رجلين وراس خلاص خلاص....مالكوش خلاص غير بالبنادق والرصاص..دا منطق العصر السعيد عصر الزنوج والامريكان...الكلمه للنار والحديد والعدل اخرس او جبان...صرخه جيفار يا عبيد في اى موطن او مكان مافيش بديل مافيش مناص...يا تجهزوا جيش الخلاص يا تقولوا على العالم خلاص

أحمد فؤاد نجم..1967